____ __________



home

archiv
texte
internet doof
lllustrationen
kultur-ecke
sonntagsmusik
blogzapping
zeugs
top fives

photo-blog


blogroll


bitrag uf schwizerdütsch.

das isch ja au en neue trend: eimal i de wuche en itrag inere fremdschprach. englisch meischtens. oft zum üebe. mängisch zum sich wichtig mache und genau bi dene gahts id hose. i jedem abschnitt zwei fähler. egal. franz au scho gseh. chönt ich jetzt nöd. und überhaupt schrib ich ja die ganz zit inere fremdschprach. drum jetzt ab sofort eimal pro wuche en bitrag uf e fremdschprach für eu. naja, also für ali ja au nöd. schwizer därfed gern au uf schwizerdütsch antworte. schön halt: schwizerdütsch kännt weder grammatik no orthographie. wunderbar.
ps:
neu uf platz eis i minere i-pod top 20: "johnny + mary" züri west.
pps:
züri west gsehni am fritig. am mittwoch the cure. grüess wärded usgrichtet.
ppps:
de harry rowohlt häd mal e ganzi kolumne us luter PSse gschribe.
viellicht machi das au mal...
25.2.08 00:09
 


bisher 5 Kommentar(e)     TrackBack-URL


geiss (25.2.08 12:30)
au ja, en biitrag uf schwiizerdüdsch isch immer kul! luschtig


filomenal / Website (25.2.08 16:01)
ou jo super. e biitrag uf schwizerdütsch. dasch e mou e gueti idee. aber viu kommentär wirsch mit däm nid fische. eigentlich sött jetzt s grosse quiz losgo: wohär chunt der jafa? so irgendwie züri? oder no wiiter im oschte? oder öppis ganz anders? schwirig, schwirig.

p.s. isch ou es super lied. richtig so.
pps. jo! vo mir bitte, usrichte!
ppps: het no öppis.


jafa (26.2.08 00:00)
gäll geiss, isch luschtig?
därfsch aber ruhig au ab und zue mal uf dütsch kommentiere.
filo: wäg de kommentar machi das ja eh nöd.
züri schtimmt. isch aber wohl nöd reinrassig. viellicht häds no chli schaffhuserisch dine oder bärndütsch vo de vorfahre.
ah ja, j+m isch natürlich scho im original super vom robert palmer. aber esone geili coverversion hani ächt scho lang nüme ghört. und au de rescht vom album natürli sensationell. oder?


ChliiTierChnübler / Website (4.3.08 21:17)
Es git ja immer no Lüt, wo uf Schwiizerdütsch schriibe u de verstaht me se gar nid so rächt. Zum Bispiu d Aargauer oder d Luzärner. Aber Dis Schwiizerdütsch isch irgendwie agnähm z läse o wenn da irgendwie e Zürcher düredrückt. Lieg i jitz völlig drnäbe?


jafa (5.3.08 01:39)
gar nöd.
aber ebe: reinrassigs züridütsch isch es glaub scho nöd.
berndütsch find isch aber au schön.

Name:
Email:
Website:
E-Mail bei weiteren Kommentaren
Informationen speichern (Cookie)


Die Datenschuterklärung und die AGB habe ich gelesen, verstanden und akzeptiere sie. (Pflicht Angabe)

 Smileys einfügen


Gratis bloggen bei
myblog.de